Taluq rakh liya baaki, yakeen torr aya hoon,..

Taluq rakh liya baaki yakeen torr aya hoon,
Kisi ka saath dena tha kisi ko chorr aya hoon,

Tumhare saath jeene ki kasam khaane se kuch pehle,
Main kuch vaade, kayi kasmen, kahin pe torr aya hoon,

Mohabbat kaanch ka zinaaan thi, yoon sang-e-garaan kab thi,
Jahan sir phorr sakta tha, wahan sir phorr aaya hoon,

Palat kar aa geya lekin yoon lagta hai ke apna aap,
Jahan tum mujh se bichrre they wahin rakh chorr aya hoon,

Usey jaane ki jaldi thi so main ankhon hi ankhon main,
Jahan tak chorr sakta tha, wahan tak chorr aaya hoon..